Aníta Ósk Georgsdóttir útskrifaðist með BSc gráðu í sálfræði frá Háskólanum í Reykjavík árið 2019 og með MSc gráðu í klínískri sálfræði frá Háskóla Íslands árið 2021. Í námi hlaut Aníta víðtæka klíníska þjálfun undir handleiðslu reyndra sálfræðinga í Sálfræðiráðgjöf háskólanema og á Reykjalundi. Samhliða námi starfaði Aníta við vísindarannsóknir, flestar á sviði taugasálfræði. Eftir útskrift úr MSc námi í klínískri sálfræði hóf Aníta störf á Minnismóttöku Landspítalans þar sem hún sinnti taugasálfræðilegu mati.

Aníta er sálfræðingur sem sinnir fullorðnum og ungmennum í starfi sínu hjá Heilsu- og sálfræðiþjónustunni. Hún notast við þekkt meðferðarúrræði, svo sem hugræna atferlismeðferð (HAM).